फ्लर्टिंग वुईथ द रॉक्स

(२३ ऑक्टोबर २०२१)

खडक आपल्याशी बोलतात तेव्हा...

● ६.५ कोटी वर्षे जुना खडक आपल्याशी बोलला तर?
● लाखो वर्षांपूर्वीची माती, गाळ माहिती सांगू लागले तर?
● नदीतले गोटे, ज्वालामुखीची राख गोष्टी सांगू लागली तर?
● आदिमानवाने बनवलेली दगडी हत्यारेसुद्धा बोलली तर?
...या कविकल्पना नाहीत, तर वास्तव आहे. कारण भवताल च्या फ्लर्टिंग वुईथ द रॉक्स या इको-टूरमध्ये हे सर्व घटक जणू बोलू लागतात. आपला प्राचीन इतिहास आणि युगायुगांपासून दडून राहिलेली रहस्यं उलगडून दाखवतात. अशी ही खडकांना बोलायला लावणारी धमाल इको-टूर!
मग तिला प्रतिसाद मिळाला नाही तरच नवल!

या टूरमध्ये पुढील मुख्य आकर्षणं पाहता येणार होती :

● डाईक / व्होल्कॅनिक ब्रेशिया (प्राचीन ज्वालामुखीचे अवशेष)
● रेड बोल (खडकांच्या थरांचा व इतर गोष्टींचा पुरावा)
● जॉइंट्स, स्फेरॉईडल वेदरिंग (खडकातील भेगांचे अस्तित्व)
● चुनखडीची माती, कंकर (प्राचीन दुष्काळाचा पुरावा)
● दुष्काळी भागातील लॅटेराईट (बदललेल्या हवामानाचे संकेत)
● व्होल्कॅनिक टेफ्रा (दूरवरच्या ज्वालामुखी उद्रेकाचा पुरावा)
● कॅव्हिटीज्, कॅव्हिटी मिनरल्स (खडकातील सौदर्यांचे दर्शन)
आणि बऱ्याच रंजक गोष्टी...

मार्गदर्शक होते

अभिजित घोरपडे (भूविज्ञान अभ्यासक व भवतालचे संपादक)

एक धमाल टूर:

● या इको-टूरमधील सहभागी पुणे, पिंपरी-चिंचवड भागातील होतेच. तसेच, ते फलटण, सातारा, नांदेड, परभणी, लातूर, पालघर, मुंबई या ठिकाणांहूनही आले होते.
● सहभागींना दोन गटांमध्ये विभागण्यात आले. त्यांना काही क्ल्यू देऊन खडकातील अनेक गोष्टींचा शोध घ्यायला सांगण्यात आले. हा अनुभव मजेशीर होता.
● त्यामुळे काही नवे शोधण्याचा प्रयत्न होत होता आणि ते सापडले की होणारा आनंद व्यक्त करण्याच्या पलीकडचा होता.
● आदिमानवाने काही हजार वर्षांपूर्वी तयार केलेली छोटी - छोटी दगडी हत्यारे (मायक्रोलिथ्स) शोधणं आणि ती पाहणं हे विलक्षण रोमांचक होतं.
● काही हजार किलोमीटर अंतरावरच्या ज्वालामुखीची आपल्याकडे जमा झालेली राख. तिचा थर शोधणे आणि तो पाहणे हा तर अवर्णनीय अनुभव होता.
● त्याचबरोबर खडकांची माहिती, त्यातील गमतीजमती, त्यांचा आपल्याशी असलेला संबंध हे सारं समजून घेणं, म्हणजे वेगळ्याच काळात जाण्याचा अनुभव होता. तो सर्वच जणांनी घेतला.
● अतिशय खेळीमेळीचे वातवरण, एकमेकांना समजून घेणे, माहतीची देवाण - घेवाण, चर्चा करणे यामुळे ही टूर रंगतदार झाली.
● संपूर्ण दिवस खडकांच्या विश्वात घालवता तरी आणखी वेळ पाहिजे होता, असे सहभागींना वाटत होते. यावरून त्यांच्या टूरबाबतच्या भावना लक्षात आल्या.
● खडकांचे अनेक नमुने आणि या इको-टूरच्या आठवणी घेऊन सहभागी आपापल्या घराकडे परतले. मात्र, या प्रकियेत भवताल